Kabanata 130

Alina’s POV

Nagising ako bigla, hingal na hingal, basa ng pawis ang buong mukha at liko ko. Tumayo ako mula sa kama at nilingon si Corvus, natutulog pa rin nang mahimbing sa tabi ko. Hinawakan ko ang tiyan ko na parang pinapanatag ko si baby at ang sarili ko. Pero hindi ko maalis ang kabang nararamdaman ko. Ano ang ibig sabihin ng panaginip na ‘yun?

Alam kong hindi ito basta-basta lang. Ang mansyon, ang swimming pool—lahat ng iyon ay bahagi ng buhay ni Corvus, pero bakit pinakita sa akin ng panaginip ang ganoong bagay? Parang may gustong iparating sa akin ang panaginip na ‘yon.

Lumabas ako ng kwarto, kailangan kong mag-isip, maglakad-lakad. Masyadong tahimik sa loob, kaya nagpasya akong magtungo sa labas. Pinagmasdan ko ang mga bituin sa kalangitan habang dahan-dahang hinihimas ang aking tiyan. Ano ang dapat kong gawin? Paano ko sasabihin kay Corvus ang tungkol sa nakita ko?

Bago pa man ako makapagdesisyon, naramdaman ko ang presensya niya. Lumapit si Corvus, tahimik pero alam kong na