Kabanata 1037

“Sige, may kailangan pa akong gawin…”

Napansin ni Catherine na naging tahimik nanaman ang kabilang linya, kaya’y binalak na niyang tapusin ang tawag.

“Cathy…” Biglang tawag sa kanya ng lalaki. Rinig ni Catherine ang lalim ng paghinga nito. “Nakita… nakita mo ba ang lahat?”

“...”

Nabalot ng kahihiyan ang mukha ni Catherine. Masasabi niya bang hindi?

“Iyon ba ang tinutukoy mo?” Matapos ang ilang sandali’y nahanap niya ang kanyang nawawalang boses. “Wala rin naman akong kinalaman doon.”

Nawasak ang puso ni Shaun.

Wala raw siyang kinalaman doon, napakalupit namang magsalita ng babae.

“Tama ka.” Ngumiti na lamang ang lalaki dahil sa awa nito sa kanyang sarili. “Wala na akong karapatang maging bahagi pa ng mundo mo.”

Laking gulat naman ni Catherine sa sinabi ng lalaki. Kung noo’y nagalit na ang lalaki sa puntong iyon. Nasaktan kaya siya sa katotohanang sa lugar na iyon pa siya napahamak?

Sa katunayan ay gusto niyang tanungin ang lalaki kung paano siya humantong doon, subalit pinigi