Chapter 16:

Malakas na kalampag ang nagpagising kay Kariel. Dahan-dahan niyang iminulat ang mga mata at tiningnan ang pinagmulan ng ingay.

"God! A-anak! K-kumusta ang pakiramdam mo?" nauutal at nag-aalalang tanong ng ina ni Kariel habang papalapit. Kasunod nito ang kanyang ama na pumasok sa silid.

"O-okay lang po ako, Mom. Medyo masakit at nanghihina lang po ang katawan ko," tugon niya nang makalapit na ito.

"Alin ba ang masakit sa'yo? May sugat ka ba? O galos?" tanong nito habang agad na umupo sa tabi ng kanyang hinihigaan. Ramdam niya ang labis na pag-aalala ng ina batay sa ekspresyon nito.

"M-masakit po ang pagkababae ko, Mom," mahina niyang naiusal.

"W-what? May masakit sa'yo? Hindi ko kasi narinig." tugon nito sa sinabi niya.

"Masakit lang po ang katawan ko, Mom," pagdadahilan na lamang niya. Kahit na nasa impluwensya siya ng gamot na nagpa-agresibo sa kanya, tanda pa rin niya ang lahat ng nangyari sa kanila ni Darrius.

"Anak! O, thank God you're safe!" Napatingin siya sa direksyon ng ama na