Chapter 22: Journey of the Heart

Nagising si Kariel kinabukasan dahil sa sikat ng araw na tumama sa kanyang mukha. Pikit pa ang mga mata, kinapa niya ang kama sa kanyang tabi, ngunit napagtantong wala na roon si Darrius. Mabilis siyang bumangon at napangiti nang mapansing may suot na siyang damit. Naalala niyang hindi na siya nakapagsuot ng damit kagabi dahil sa pagod.

Iniunat ni Kariel ang nananakit niyang katawan bago bumaba ng kama at nagtungo sa banyo. Pagkatapos maligo at magpalit ng damit, ay bumaba na siya ng hagdan patungo sa kusina para mag-almusal.

"Oh, anak! Gising ka na pala. Maupo ka na," bati ng ina ni Kariel nang makita siya.

“Good morning,” nakangiting bati niya sa mga naroon sa lamesa.

Agad siyang umupo, kumuha ng pancake, at nagsalin ng gatas sa baso.

"Mabuti naman at nagising ka na. Nakahanda na ba ang iyong mga gamit?" tanong ng amang nakatingin sa kanya.

"Yes, Dad. Kagabi ko pa po naihanda ang lahat," tugon niya at nginitian ang ama.

"Good. Sige, bilisan niyong kumain para makaalis na kayo," ana