Chapter 18: the unspoken truth

“Magpahinga ka na lang muna, baka mabinat ka kapag ituloy pa natin ang nais mo,” nakangising wika ni Darrius matapos siyang alalayang maihiga sa kama. Agad nitong inayos ang sapin at kinumutan siya nito.

“S-salamat,” nahihiyang tugon ni Kariel, namumula at halos gusto nang magpalamon sa lupa dahil sa kahihiyang naramdaman. Para siyang asong hawok sa halik ni Darrius kanina, tila kulang pa sa kanya ang ginawa nito, at gusto pa niyang higit pa roon. Hindi niya inalintana ang pananakit ng kanyang pagkababae, at kahit ramdam niya ang pamamaga at hapdi, gusto pa rin niyang maka-isa.

“Punyemas naman o!” maktol ni Kariel sa isip niya. Iniling niya ang ulo, hinawi ang mahaba at makinis niyang buhok, at tiningnan si Darrius.

“Ahm, Darrius… puwede bang magtanong?” tanong niya rito.

“Yes, go ahead,” nakangiting tugon ni Darrius. Umayos siya ng upo sa tabi ng kama, tila naghihintay sa kanyang susunod na salita.

“Bakit mo ginawa iyon?” seryosong tanong ni Kariel, nangungusap ang mga matang nakatit