Chapter 32

Pagkatapos ng anunsyong iyon ay agad na umugong ang usap-usapan. May isang nangahas na tumayo at pumaneywang.

“Akala ko ba ay ang bagong ipapasok sa kompanya at team na ito ay makatutulong sa pagpapaayos ng team natin? Bakit parang imbes na makatulong, magiging pabigat pa!”

“Hindi ba’t mayaman ang angkan ng napangasawa niya? Bakit hindi siya roon magtrabaho sa malaking kompanya na ‘yon? Bakit kailangan pa niya tayong agawan ng limelight, eh kapiranggot na nga lang ang sinasahod natin dahil sa palaging palpak na trabaho!” Segunda naman ng isa.

“Ms. Cora, hindi po ba kung sinong team ang mananalo ay malaki ang magiging share? Huwag mong sabihing makikihati pa sa share na iyon ang babaeng ito? Why can't she just stay at home and take care of his vegetative husband? Since iyon naman ang rason kaya ito ipinakasal! Dahil wala ng pag-asang gagaling!” Sinundan pa iyon ng nang-aasar na tawa.

Mariing kumuyom ang kamao ni Sierra.

“Baka ang babaeng iyan pa ang dahilan upang tuluyan