Chapter 31

Kinabahan si Sierra dahil baka kung ano na ang iisipin ng mga tao sa bahay gayong nagkasugat ito nang siya ang kasama!

Sa taranta ay mabilis siyang tumayo at kumuha ng wet wipes upang punasan ang dumudugo nitong labi. Hinawakan nito gamit ang hintuturo labi nito upang ibuka para malaman kung pati ba ang loob ay nasugatan din.

Walang malay si Sierra na habang marahan niyang pinupunasan ang labi ng asawa ay nanginginig na pala ang kamay nito. Hindi niya alam kung pasmado lamang ba siya o hindi dahil maging ang puso niya ay mabilis ang tibok.

Nang matapos punasan ni Sierra ang labi niya ay pa-indian sit itong naupo sa harapan ng asawa. Ilang araw na sila bilang mag-asawa ngunit isang beses—noong araw na nagkaroon ng reaksyon ang pagkalalaki nito—pa lamang niyang natitigan ang asawa.

Noong unang beses niya itong matitigan ay mabahagya pa itong maputla, ang labi nito ay maputla rin at kitang-kita talagang may sakit.

Ngunit ngayon ay may buhay na ang mukha nito. Makapal pa rin ang