Chapter 38

Unang hinatid nina Sylvio at Sierra si Peter sa tinutuluyan nitong hotel. Nang bumaba si Peter ay tumingin ito kay Sierra kaya bumaba na rin ang huli.

“Bakit ngayon ko lang nakilala ang Sylvio na iyan? And what's his last name?” Usisa agad ni Peter nang makalayo na sila ng sasakyan.

Alam ni Sierra na talagang hindi palalagpasin ni Peter ang pagtatanong tungkol sa bagay na ito. Kaya naman hindi na nagtaka si Sierra nang iyon kaagad ang lumabas sa bibig ng kapatid.

“Nakilala ko siya noong nakabalik ako ng bansa.” Diretsong sinabi ni Sierra. “Isa lang siyang kaibigan na nagmagandang loob, Peter.” Gusto rin niyang kaltukan ang ang sarili sa mga pinagsasabi.

Anong kaibigan ang pinagsasabi niya? May kaibigan bang naka-one night stand?

May pagdududang tiningnan ni Peter ang kapatid. Parang may kulang sa kuwento nito.

“Sierra, ang lalaki ay may mamahaling relo, nakasuot ng pormal na damit at lalong-lalo na ang kotseng minamaneho nito. Isa lang ang ibig sabihin nito, ang lalaking i