Chapter 46

Tumayo ang Senyora at kinuha ang dalawang kamay ni Sierra at saka iyon malambing na giniya paupo kasama niya. “Hindi mo pa ba nababasa ang naka-post sa internet ngayon?”

Marahang binawi ni Sierra ang kamay at saka marahang umiling. “Para po hindi na kayo masyadong magalit ay pagkarating ko po roon ay nag-impake na po ako ng mga gamit namin…”

“Sa katunayan ho niyan Senyora ay nasa salas na ang mga gamit ng eldest mistress at ang anak nito, they're ready to go but was interrupted because you called for her.” Mababa ang boses na singit ni Carlos.

Nanlaki ang mata ng Senyora at agad na bumalatay ang lungkot at pagkasisisi sa mga mata. “Aalis ka na talaga? Hindi ka na ba maaaring pigilan?” Malungkot nitong tanong.

Nangunot ang noo ni Sierra. “Hindi po ba at kayo ang may gusto na lisanin ko ang pamilyang Montezides?” litong wika pa niya.

Napalunok ang Senyora at nag-iwas ng tingin kay Sierra. Dumako ang kanyang tingin kay Carlos, tipid na ngumiti at tumango naman ang huli.

“Mas m