CHAPTER TWENTY

Sandaling tumahimik ang function room. Kilala nila si Engr. Saavedra bilang isang empleyadong nakakasalubong lang nila na madalas hindi napapansin dahil sa ikinakalat ng secretary ng Chief Development Officer na hindi marunong sa trabaho at laging ibinabalik na puno ng red marks ang ipinapasa nitong contracts. Kaninang umaga lang ay nalaman ng lahat na nasisante siya ng trabaho at siya lang ang una at kaisa-isang pinatalsik ni Diane. Naging usap-usapan iyon sa mga umpukan. Tinanggal ito sa trabaho dahil mahina at walang alam sa posisyong pinasukan. Napanganga lang sila. Hindi makapaniwala sa kanilang narinig. Ngunit paglabas ni Gerald at kumaway siya sa lahat ay nagsimulang nagsitayuan at nagpalakpakan ang lahat. Lumakas iyon ng lumakas.

Sumabit ang paghinga ni Diane. Nangatal at naginginig sa galit si Ringgo.

Sumabog ang isang katotohanang sadyang yumanig sa kanilang mundo.

Kasabay ng palakpakang iyon ang pagkabasag ng lahat ng inumin sa tray na hawak ni Ringgo. Alam niyang nakatawag