CHAPTER ONE HUNDRED TWENTY-SIX

Malapit na siya sa kanyang lilikuang kalye nang napansin niya ang pagsunod sa kanya ng isang van na tinted ang bintana. Liliko na siya nang harangan ng van ang dadaanan niya. Nawalan siya ng balanse. Sumadsad siya sa madamong bahagi ng daan. Mabilis na bumaba ang isang lalaki sa Van na iyon. Bago nakabangon si Marcus ay hinawakan na siya ng malaking mama.

“Kuya bakit?”

“Sama kasa akin. Pinapasundo ka ng Ate Diane mo.”

“Kuya hindi. Tatawagan ko muna si Ate.”

Nagpalinga-linga ang lalaki at nang masigurong walang nakakakita ay mabilis niyang hinawakan ang bata. Tinakpan nito ang bibig gamit ang isang puting tela para hindi makahingi ng tulong. Isinakay ito sa van saka mabilis itong umalis. Naiwan ang bisikleta sa kalye. Walang nakakita sa bilis ng pangyayaring iyon. Hindi magawa ni Marcus ang lumaban. May ipinaamoy sa kanya na naging dahilan ng kanyang pagkahilo.

"Paalis na ako sa site. Nagreply na si Ringgo sa text ko at makikipagkita daw siya sa atin sa isang restaurant. Forward ko na