CHAPTER ONE HUNDRED NINE

Iniwan din ni Diane si Gerald sa parking area kahit pa kinulit niya ito nang kinulit. Gusto niya sana itong sundan ngunit naisip niyang hindi iyon magandang idea. Naglalakad na siya papunta sa kanyang sasakyan.

Antindi ng mga sinabi sa kanya ni Diane nang dapat ay maglapat na ang kanilang mga labi. Ngayon lang siya nasabihan ng ganoon.

"Ano ha? Hahalikan mo ako? Dadaanin mo ako sa pilitan para lalo lang akong magalit at kamuhian ka! Wala kang respeto. Ang mga 'yan, yung mga empleyadong 'yan, anong tingin mo sa kanila, walang nakikita? Walang pakialam sa mga nangyayari? Ikinahiya mo ako noong COO ka pa hindi ba? Ngayon Gerald, utang na loob, bigyan mo naman din ako ng kahihiyan ngayon! Magkaroon ka naman ng konting respeto sa akin at sa sarili mo!" bulong lang iyon sa kanya ni Diane ngunit tumagos sa kanyang puso at pagkatao. Hindi siya nakasagot hanggang buong lakas siyang itinulak nito. Nagmamadali itong sumakay sa kotse at umalis na hindi na siya tinignan pa.

Pasakay na si Gerald sa