CHAPTER ONE HUNDRED TEN

Kaagad siyang niyakap ni Ringgo nang makalapit ito.

"Nagpakita ka Gerald! Pinuntahan mo ako dito! Ang saya-saya kong bumisita ka." Magkahalong tawa at iyak na sambit ni Ringgo.

Nagpaubaya si Gerald sa yakap ni Ringgo. Daman-dama niya ang higpit niyon. Nang halikan siya nito sa pisngi ay hinayaan lang niya ito ngunit nang hinawakan siya sa pisngi at akmang hahalikan na siya sa labi niya ay saka niya marahang itinulak si Ringgo. Iniwas niya at inilayo ang kanyang mukha.

"Huwag Ringgo," pabulong.

"Bakit? Di ba pumunta ka dito para balikan mo ako? Para ipagpatuloy natin ang relasyon natin?" Malambing ang pagkakatanong no'n.

"Maupo ka muna. Mag-usap tayo." hinawakan niya ang palad ng kaibigan.

Umupo sila. Hindi maialis ni Ringgo ang tingin niya sa guwapong mukha ni Gerald. Hindi pa rin siya makapaniwalang pinuntahan siya nito sa kanyang bahay.

"Alam mo bang mahal na mahal kita bilang isang matalik kong kaibigan? Ayaw ko ring mawala ka sa akin kaya gusto ko sanang magiging maayos ka rin." P