CHAPTER ONE HUNDRED TWELVE

"Ayaw ko na nga!" protesta ni Sackey sa hinihiling ni Gerald.

"Paselosin lang natin! Sige na!" Pangungulit niya sa pinsan niya. Hindi na kasi niya makuha si Diane sa santong ligawan kaya naisip niyang daanin muli ito sa simpleng landian. Kailangan na niyang makuha ang tiwala at pagmamahal ni Diane bago tuluyang sumabog si Ringgo.

"Pumayag ako nang una na kausapin si Britney tapos ngayon sa Secretary ni Diane mismo, hindi na puwede ‘yon."

"Bakit hindi?"

"Pucha naman insan! Sa tingin mo ba magseselos si Diane diyan e mas maganda siya sa Secretary niya? Ayaw ko na. Saksatan mo lang ang kaibigan ko e. Putang ina naman eh."

"O hayan nagmumura ka na!" parinig ni Gerald. "Puwede namang inglisin nang di ka nakakasakit!"

"Basta, ayaw ko nang maghanap ng gagamitin mong ipangpaselos."

"To naman, hirap mapakiusapan."

"Insan naman, hanggang tama na yung mga ganoong paselos. Kapag malaman niya ang lahat ng kasinungalingan natin patay ako. Paano ko ligawan si Marian, tingin mo papayag 'yan na ipalig