DO SOMETHING

PAGKALAPAG sa airport ng Iloilo ng private plane na sinasakyan ni Tori ay kaagad siyang sinalubong ng isa sa tatlong driver ng Sebastian Plantation. Walang tanong-tanong na kaagad sumakay si Tori roon matapos siyang pagbuksan ng pinto ng driver. Mula sa airport ay bumiyahe sila patungo naman sa pier kung saan siya sasakay ng private boat na pag-aari ni Taj patungo naman sa Jordan port.

Habang tinatawid ang dagat ay tinawagan ni Tori si Everett. Ipinaalam niya sa kaibigan na matiwasay siyang nakarating sa Iloilo at kasalukuyan nang tinatawid ang dagat.

Pagkaraan ng twenty minutes ay nakarating na si Tori sa Jordan port. Pababa pa lamang siya ng baka ay narinig na niya ang boses ni Landon na tinatawag siya.

“Tori! Tori, over here!”

Tumingin si Tori sa kaibigan ni Taj at kiming tumango bilang sagot.

Kaagad namang sinalubong ni Landon si Tori at sabay silang naglakad patungo sa naghihintay na sasakyan.

“How was your flight?”

Natigilan si Tori dahil sa tanong na iyon ni Landon. Baha