Chapter 020

Nakahinga ng maluwag si Ahtisa nang magpaalam na ang binata.

Hindi pa natatapos ang gulo sa buhay niya ay may nagbabadya na namang dumating. Maganda sana ang offer ng binata dahil isa iyong win-win situation para sa kanya, subalit natatakot siya sa parents nito, lalo na sa tatay nito na amo rin niya.

‘Alam kong mailalabas ko ng hospital si tatay nang hindi nangangailangan ng tulong ng ibang tao lalo na iyong may kapalit ng mahal.’

Bigla siyang napatingin sa kanyang tiyan.

“Alam kong wala kang kasalanan. Pero ipapangako ko sa iyo na di ako titigil hangga’t hindi nagbabayad ng malaki ang demonyo mong ama, saan nang lupalop siya naroon at sinuman siya, at ang magaling kong kaibigan. Pagbabayarin ko sila ng mahal.” Malakas niyang isinatinig habang hinahaplos ang impis pang tiyan.

Pagbalik ni Maverick sa mansiyon ay wala na ang mga bisita ng mga magulang, subalit ang mga ito ay nakaupo sa sala at naghihintay sa kanya.

“Saan ka nanggaling? Sa babaeng nabuntis mo?”

Ang kanyan