Chapter 37

Inalalayan ni Zander si Mico sa tuktok ng slide. "Ate Mica, stay ka lang d'yan si kuya Mico muna ha," ani nito sa marikit na bata. Tumango si Mica at naghintay ng kanyang pagkakataong magpadausdos sa slide.

"Okay kuya Mico, one, two, three!" sambit ni Zander. Nagpadausdos na si Mico mula sa itaas pababa. Nakaabang naman si Ella sa dulo ng slide upang sapuhin ang nakababatang kapatid.

"Ate Michaella!" hiyaw ni Mico na halos mapunit ang labi sa pagngiti. "Ang sarap ate. Gusto ko pa, isa pa ate. Isa pa," tuwang tuwang sabi ni Mico. Maligalig na ito at sobrang taas ng enerhiya, tila walang kapaguran at sobrang saya.

"Take turns kayo ni ate Mica okay. After n'ya ikaw ulit," nakangiting sabi ni Ella sa kanyang kapatid. Pinunasan nito ang nanglilimahid na mukha ng kapatid. "Ang asim mo na! Asim asim! Pero gusto pa rin kitang i-hug at i-kiss," sabi ni Ella habang hinaharot si Mico.

Nang nakita ni Mica kung gaano natuwa ang kakambal, naatat itong sumunod at magpaalalay kay Zander sa hagdan ng