Chapter 69

“Ma’am, may naghahanap po sa inyo sa ibaba,” sabi ng guard.

“Sino raw po?” tanong ni Ella sa guwardya.

Nakaramdam ng biglang pagkabog ng dibdib si Ella, wala namang inaasahang bisita o ka-meeting ang dalaga sa araw na ito. Kaya nagtataka ito kung sino ang tinutukoy ng guwardya.

“Dennise Moralez po,” sabi ng guard.

Pagkarinig ni Ella sa pangalan ay tila nangilabot ang kanyang buong katawan at namutla bigla.

Anong ginagawa n’ya rito?

“Ma’am ayos lang po ba kayo?” nag-aalalang tanong ng guard, napansin kasi nito ang pamumutla ng dalaga.

Ilang segundong hindi nakapagsalita si Ella. Napatulala ito ng ilang sandali.

“Ma’am?”tawag ng guwardya sa dalaga. “Papapasukin ko po ba?” tanong nito.

Bumalik na sa ulirat si Ella nang mauliligan ang tanong ng guwardya. “Po.” Hinawi n’ya ang kanyang buhok at umayos tindig. “Ayos lang po ako. Ano po si—sige po papasukin n’yo po si Dennise. Kilala ko po s’ya. Ganito na lang po, paki sabi na lang po na bababa na rin po ako. May gagawin lang po ako s