Chapter 71

Isang tawag mula sa kanyang inang si Marsha ang natanggap ni Ludwig ng umagang iyon.

'Hello, ma, bakit na naman?" natatamad siyang kausapin ito, sapagkat wala naman itong sinasabing maganda sa kanya, puro na lang negative.

"Anak!" umiiyak ito, kaya bigla siyang nag alala.

"Ano yun?" napapunta siya sa kanyang upuan, " ano? bakit kayo umiiyak?"

"Ma-may natagpuang.. babae sa parte ng Batangas... buntis din iyon at-- at kagaya ng damit ni Estella ang kanyang suot." kwento nito.

Bigla siyang naaalarma sa sinabi ng ina, at agad na hiningi kung saan niya iyon matatagpuan. Pagkasabi ni Marsha ng lugar, agad niyang pinutol ang tawag at nagmamadaling umalis.

Samantalang lihim na napangiti si Marsha. Alam niya na tagumpay ang planong ito. Hindi na makikita ni Ludwig si Estella. Agad niyang tinawagan si Raquel.

"Hello, hija, nasabi ko na kay Ludwig, at mukhang magtatagumpay ang planong ito."

"Talaga mommy?" masayang sabi ni Raquel.

"Oo, kaya ihanda mo na ang sarili mo na maging