Chapter 75

Habang naglalakad palabas si Raquel, umiikot ang mga plano sa kanyang isip. Alam niyang hindi magiging madali ang susunod na hakbang, pero determinado siyang gawin ang lahat para tuluyang mapasakanya si Ludwig. Ang susi sa lahat ng ito ay ang tuluyan niyang alisin ang alaala ni Estella sa buhay ni Ludwig, at alam niya ang eksaktong paraan para magawa iyon.

Pagdating sa kanyang sasakyan, tinawagan niya ang kanyang ina, si Marsha. “Mommy, hindi ko pa rin mapalapit nang tuluyan si Ludwig sa akin. Hanggang ngayon, si Estella pa rin ang laman ng isip niya,” sabi niya, nagpipigil ng luha. “Pero may naiisip ako. Kailangang mawala lahat ng bagay na nagpapaalala kay Ludwig kay Estella.”

Nakangiti si Marsha sa kabilang linya, alam na niya kung saan patungo ang iniisip ng anak. "Tama ka, hija. Kapag nawala ang lahat ng alaala ni Estella, wala nang ibang matitirang pagpipilian si Ludwig kundi ikaw. Kailangan natin itong gawing maayos at walang makakahalata."

Nagpatuloy sila sa pagbabalak, un