Chapter 80

Limang taon ang matuling lumipas…

"Mommy, bakit hindi kami sa regular school nag-aaral?" tanong ni Caleb kay Estella habang siya’y abala sa paghuhugas ng kanilang pinagkainan. Ang mga bata ay naglilinis ng lamesa matapos ang kanilang tanghalian.

Napatingin siya sa kanyang anak. Mula nang magdesisyon siyang i-homeschool ang mga ito, madalas na nag-uungot si Caleb, at ngayon, tila muling nagtanong ang batang ito. Hindi niya masisisi ang kanyang mga anak sa pagnanais na maranasan ang buhay sa regular na paaralan—nagsimula na rin siyang mag-alinlangan kung tama ang ginawa niyang desisyon.

Ang kanyang poultry at piggery business ay nagboboom. Salamat sa pamana ni Lala, na umabot ng halos anim na pung milyon ng maibenta niya ang lahat. Nagulat siya na sa kanya nito ipinamana ang lahat ng ari-arian nito, isang pamana na tila kumikilos sa sarili nitong paraan ng pagpapabuti ng kanilang buhay.

Ipinagbili iyon lahat ni Ram. Ang lalaki ang nakakatulong niya sa lahat, hands-on siya sa business, a