Chapter 84

Pagkatapos ng ilang oras sa paaralan, excited na tumakbo sina Caleb at Calvin palabas ng gate nang makita nila sina Estella at Ram na naghihintay.

"Mommy! Papa Ram!" sigaw ni Caleb habang masayang tumatakbo patungo sa kanila. Si Calvin naman ay hindi rin nagpahuli at mabilis na yumakap sa kanilang dalawa.

"Kumusta ang unang araw niyo?" tanong ni Estella, puno ng kasabikan. Gusto niyang malaman kung paano ang naging karanasan ng kambal sa kanilang unang araw sa regular school.

"Ang saya po, Mommy!" sabi ni Caleb, nangingiti nang malaki. "Ang daming bagong kaibigan, tapos ang teacher namin mabait!"

"Oo nga, Mommy!" dagdag ni Calvin. "May bago po kaming mga laro sa playground, at may bagong libro sa library na pwede naming hiramin."

Masaya ang pakiramdam ni Estella habang nakikinig sa mga kwento ng kambal. Natutuwa siya na tila hindi nahirapan sina Caleb at Calvin sa kanilang unang araw. Hindi rin maiwasang mapansin ni Ram kung gaano kasaya ang kambal sa kanilang mga karanasan.

“Masaya k