Chapter 70

"Ludwig? Ludwig?" kanina pa umuungol ang lalaki kaya naisipan ng gisingin ni Raquel. Panay ang tawag nito sa asawang si Estella, "Ludwig.." Nakasandal ito sa swivel chair ng opisina. Mabuti na lang at naisipan niya itong puntahan.

"Estella!!" bumalikwas ng bangon ang lalaki, at iginala ang mata sa paligid, "na-nasaan si Estella?"

Napasimangot siya sa narinig, "iniwan ka niya, hindi ba? Wala siya dito.. ako ang narito, bakit hinahanap mo pa siya?"

"Anong ginagawa mo dito?" asik ni Ludwig kay Raquel.

"Kailangan mo ng makakausap, Ludwig," akmang lalapit si Raquel sa kanya, ngunit nagmamadali siyang tumayo at lumayo sa babae. Nagtungo siya sa glass wall.

Napatda naman si Raquel sa kanyang ginawa. Muntik pa itong madapa. Sinundan siya nito, at akmang hahawakan.

"Wag mo akong hahawakan," saway ni Ludwig kay Raquel.

Napatigil si Raquel, na parang tinamaan ng malamig na hangin. Ang pagtanggi ni Ludwig ay parang kutsilyong bumaon sa kanyang puso. Ilang ulit na niyang pinagdaanan a