Chapter 3

LUDWIG:

Nakipark muna siya sa paradahan ng mga taxi upang bumili ng tubig. Nakalimutan niya ang kanyang tumbler, may sakit din ang kanyang driver, kaya medyo nahihirapan siya. Tiningnan muna niya ang paligid, mukha namang safe ang lugar na iyon. Saka pa siya bumaba ng sasakyan.

"Boss, makikipark lang, bibili lang akong tubig," paalam niya sa isang maedad na lalaking naroroon malapit sa may tindahan, abala ito sa kanyang ginagawa.

'Sige lang boss," sagot nito, na itinuloy ang pagbibilang ng mga bariyang malamang ay butaw ng mga taxi driver.

"Manang, isa pong mineral water na malaki at malamig, magkano ho?" tanong niya sa tindera na noon ay abala pakikipagtsismisan sa isang bumibili rin sa kanya.

"Ilan?" tanong nito, na patuloy pa rin ang pagdaldal sa kausap. Ni hindi man lang siya nakuhang lingunin.

"Isa lang ho, " nakita niya ng umalis ito at nagbukas ng ref. Subalit ang bibig nito, ay diretso pa rin sa pagsasalita habang nililingon ang katsismisan.

"Bente singko," inabot nito sa kanya ang tubig. Habang nagbabayad siya, patuloy pa rin ang pakikitsismis ng matanda sa isa nitong customer. Kahit inaabutan na siya nito ng sukli, doon pa rin ito nakatingin sa kausap niya sa dulo. Napailing na lang ako "Talaga palang totoong may mga ganitong tao sa kalsada, literal na tsismosa at pinag-uusapan ang buhay ng iba. Paano na aasenso ang Pilipinas kung ganito ang makikita ng mga kabataan." sabi niya sa sarili, at napapailing na naglakad pabalik sa kanyang sasakyan.

"Boss, salamat ho, aalis na ho ako," paalam niya sa matandang lalaki na nakatungo.

"Ge," tinanguan lang siya ng matanda habang itinutuloy ang pagbibilang ng mga barya.

Binuksan na niya ang pinto ng kanyang sasakyan, subalit may isang babaeng nagmamadaling sumakay doon. Pasilip silip ito sa labas ng kalsada. Waring takot na takot. Sa tantiya naman niya ay matino ang babae. Nakasuot ito ng maayos na damit, mukhang anak mayaman. Nagsalita ito ng hindi man lang siya nililingon.

'Manong, tara na, diretso lang," sabi nito sa kanya.

At napagkamalan pa nga siyang taxi driver. Mukhang kailangan ng babaeng itong makalayo sa lugar na iyon. Marahil, ipinagkasundo din ito ng mga magulang at hindi ito sumasang-ayon kaya naisipan na lang tumakas. Nakakaawa ang mga ganitong klase ng babae. Hindi na mabilang sa kanyang mga daliri ang mga nakilala niyang naka fix marriage lang. Karamihan sa mga iyon, ay sa mga matatandang kulang na lang ay maagnas ipagkasundo. Merong naging maayos ang buhay, ngunit marami ang nasirang pangarap. Matapos pagsawaan ay binabalewala na lang ng mga napangasawa, lalo na kapag naanakan na.

Hindi niya ito masisisi kung ganoon din ang kwento ng buhay nito. Kalayaan at kinabukasan nito ang nakasalalay doon. Lalo pa itong tumago, ng makasalubong nila ang isang pulang sasakyan na kinalululanan ng isang mukhang matapobreng babae. Kita niya sa mata nito ang labis na pag-aalala na baka mahuli kung saka- sakali.

Ng makalagpas ang sasakyan, kita niya sa salamin kung paano ito nakahinga ng maluwag. Napaantanda pa ito at napausal ng dasal. Siguro, dahil na rin sa nabunutan ito ng tinik kaya gayun na lamang ang pasasalamat nito sa Panginoon.

Hindi niya inaasahang magtama ang kanilang mga paningin. Nagulat ito ng mapansing nakatingin din siya sa babae. Kiming ngiti lang ang ibinigay nito sa kanya. Noon lang niya nabisto ang buong hitsura ng kasamang babae. Hindi masasabing basta ito may hitsura, ang tamang term sa kanya, ay salitang maganda. Kaya medyo kumabog ang kanyang dibdib ng saglit na magtama ang kanilang mga mata.

Sanay na siya sa magagandang babae, lalo na sa sirkulong kinabibilangan niya. Kung ang babaeng ito ay isang anak mayaman, bakit hindi man lang niya ito napapansin sa mga party na pinupuntahan niya? Imposibleng hindi niya ito mapansin, dahil sa ganoong klase ng lugar, madalas, nagrerate silang magkakaibigan ng mga babaeng dumarating at pinupuntusan nila iyon mula ulo hanggang paa. Kung sakaling pumunta ito sa ganoong lugar, bibigyan niya ito ng perfect 10.

"Tumakas ka no?" binasag niya ang pader ng katahimikan na nakaharang sa kanilang dalawa. Nagulat ito sa kanyang sinabi. Kikibot kibot ang labi nito na parang nagdadalawang isip kung sasagutin ang kanyang katanungan.

"Pa-paano mo nalaman?" tanong nito sa kanya, na waring natatakot na isuli siya kung saan siya nanggaling.

"Hindi mo na kasi alam kung taxi ang nasakyan mo miss," nginitian niya ito,"bumili lang ako ng tubig, bigla na akong nagkapasahero."

"Hi-hindi ba ito taxi?" napatingin pa ang babae sa paligid, "naku sorry ho.. akala ko ho taxi, sige ho, ibaba niyo na lang ako diyan," sabi nito sa kanya, "nakakahiya ho, sa pagmamadali ko hindi ko na napansin na hindi pala taxi ang nasakyan ko."

"Okay lang, ihahatid kita kung saan ka pupunta, wala pa naman akong gagawin, saang lugar ba ang ruta mo?" tanong niya dito. Doon na lang niya ito ihahatid para hindi na ito maabutan pa ng kung sinong tinataguan nito.

Kinuha nito ang phone at may tiningnan doon. Kita niya ang pag-i-scroll ng babaeng iyon, na parang hindi alam kung saan pupunta. Saka ito ngumiti at nagsalita, "sa Moonstar club ho ako."

Moonstar club? doon din siya pupunta. Malayo iyon, at kailangan ng sasakyan makarating lang don. Isa iyong liblib na club na tanging mga anak ng mayayaman ang nakakapunta. May membership doon, kaya paano papasok ang isang ito doon?

"Member ka ba don?" tanong niya sa babae. Nanlaki ang mga mata nito, saka napatingin sa kanya.

"Hi-hindi ko alam na may membership ho don, hindi pa ho ako nakakapunta doon. Sa-- sa kanto na lang ho ako bababa, maghahanap na lang ho ako ng ibang mapapaglibangan," kita niya sa mukha nito ang labis na pagkadismaya. Tumingin tingin pa ito sa bintana na parang tinitingnan kung saan ito maaaring lumagi at maglibang.

"Isasama kita doon kung gusto mo, doon din kasi ako pupunta," nakangiti niyang sabi dito. Nagliwanag ang mukha nito, saka dumukwang palapit sa kanya. Ang amoy nito ay yung tipong masarap kayakap kapag natutulog.

"Talaga ho?" ang tinig nito ay parang tumama sa lotto sa sobrang saya, "pangarap ko hong makapunta sa mga ganoong klase ng club. Hindi daw ho kasi pinapapasok doon ang mga senior cetizen."

Tumpak ang iniisip niya, malamang, sa matanda ito nais ipagkasundo.  Hindi pa siya sigurado kung iyon nga ang dahilan, subalit ang kanyang instinct ang nag uudyok sa kanyang paniwalaan ang una niyang hinala.

"Sa isang kondisyon," sabi niya sa babae na hindi na umalis sa pagkakalapit sa kanya. Nadidistract siya sa hitsura nito, lalo na sa mabangong amoy niya.

"Ano ho yun?" tanong nito na parang handang handang ibigay kung ano ang kanyang nais hilingin.

"Wag mo akong hino-ho, ang lakas makamatanda eh,. Ganun na ba ako katandang tingnan sayo? Isa pa, hindi ka ba natatakot sakin, na baka masama akong tao?" tanong niya dito. Inaalam niya kung gaano kalakas ang loob nitong sumama sa kanya.

"Kahit saan niyo ako dalahin, sasama ako, wag lang akong ipakasal ng magulang ko sa isang matandang halos triple ang edad sa akin," tugon ng babae sa kanya.