Chapter 4

ESTELLA:

Manghang mangha si Estella sa ganda ng club na iyon. Mga sosyal ang mga taong naroroon. May mga artista, at may mga tinitingala sa larangan ng negosyo. Nakatayo lang siya sa gilid at nagmamasid sa mga taong naglalabas masok doon. Ang mga mamahaling alahas na nakapulupot sa katawan ng bawat dumarating ay kumikinang sa liwanag ng ilaw na nagmumula sa center stage.

May mga dumarating na grupo, o kung minsan ay nag -iisa lang. Dito niya napatunayan, na may mundo palang ganito ang mga rich people, yung tipong makakapagwalwal sila ng walang camera, o maiipakita nila, kung sino talaga sila.

May isang lalaking lumapit sa kanya. May dala itong baso ng alak, at sigurado siya, na para iyon sa kanya. Tumigil ito sa kanyang harapan, saka ngumiti ng malapad. Ang ngipin nitong may bakod na bakal ang una niyang napansin.

"Hi miss, alone? kanina pa kita nakikita dito. Paano kang nakapasok?" tanong nito at tiningnan siya mula ulo hanggang paa. Amoy paminta ang isang ito. Sa mga pitik ng daliri ng kanyang kaharap, alam niyang hindi ito full blood na lalaki. "Para sayo."

"Okay lang ako, may hinihintay ako," sagot ko sa kanya. Mukhang iba ang nais ng isang ito. Malamang ay hindi siya ang tipo nito, dahil isa itong bakla.

Nangunot ang noo nito,"mukha namang wala kang kasama ah," sumilip pa ito sa likuran niya, "come on, join us there," itinuro nito ang grupo ng mga kababaihang halos hubad na ang katawan, na nakaupo sa mahabang hilera ng VIP table,"pa-walk ka ba?"

"Pa-walk?" napaisip siya kung saan niya narinig ang salitang iyon. Habang tinitingnan niya ng lagpasan ang kaharap niya, unti -unti niyang narerealize ang isang bagay, "naku, hindi ho. Hindi ho ako ganyan," tanggi ko dito.

"Wag--" napalingon ito sa kanyang likuran, at walang lingon likod na bigla itong umalis. Parang may kinatakutan, kaya biglang bumahag ang buntot.

"Anong sinasabi nun sayo?" nasa likuran ko pala si Ludwig.

"Inaaya niya akong sumama sa grupo nila. Tinatanong pa nga kung paano ako nakapasok dito," sagot niya sa lalaki. Habang nasa sasakyan, nakapagtanungan na sila ng pangalan at ng edad, kaya alam na nila kung paano iaaddress ang isa't-isa.

"Good, wag kang magpapauto diyan, doon tayo, hindi kasi darating ang mga kasama ko," inaya siya ni Ludwig sa isang table na nasa sulok at hindi pansinin ng karamihan. "Inayos ko pa ang membership mo, para lang legal kang nakapasok dito. Here's your ID."

"Thank you," ibinalik niya sa bag ang ID na hiniram nito upang maayos ang kanyang pagpasok sa lugar na iyon. Walang malakasan doon, dapat, miyembro bago makatambay. "Bakit hindi ako dapat sumama sa kanila?" usisa ko sa kanya.

"Mga professional prostitute ang mga yan. Dito nila pinupuntirya ang kanilang mga customer dahil mayayaman lang ang nakakapasok dito." sagot niya sa akin, bago tawagan ang waiter. Sumenyas lang ito at agad iyong naintindihan ng kausap.

"So? mayaman din sila?" tanong niya kay Ludwig, "kasi mayayaman lang ang nakakapasok dito hindi ba?"

"Oo, mayayaman sila, mga tamad lang. Yung iba, itinakwil na ng pamilya, yung iba naman, happy go lucky, sadyang malilibog lang kaya naririto.  Nakikipagsex na lang din sila, nagpapabayad na lang. Instang 20k ang isang gabi hindi ba?" explain ni Ludwig, "kaya sila ang wag mong pakikisamahan, dahil masisira ang buhay mo sa mga yan."

"Tatandaan ko," sagot niya kay Ludwig. Napatitig pa siya sa lalaki. Napakasimple nitong manamit. Hindi rin ito ang tipo ng tao na maraming alahas. May isa lamang iyong suot, relo. Ang bigotehin nitong mukha ay mas lalong nagpatingkad sa mala foreigner nitong anyo.

"Baka naman matunaw ako niyan?" sita nito sa kanya. Bahagya pa siyang napahiya sa sinabi nito. Na-iwas na lang siya ng paningin dito.

"Hi-hindi no.." pagsisinungaling niya. Napalunok pa siya at bahagyang namula, dahil ramdam niya ang init ng mata nito na nakatingin sa kanya. Buti na lang at dumating na ang inorder nito. Dalawang bote ng mamahaling alak.

"Sir?" sabi ng waiter, na parang nagtatanong kung may nais pang orderin ang lalaki, habang ibinababa ang mga pulutan. Mukhang kilala na ng waiter na ito ang kasama niya, dahil hindi ito nagsalita, alam na kung ano yun.

"Tatawagan na lang kita mamaya," sagot nito. Dagling umalis ang waiter doon, at ito naman ay naglagay ng yelo sa mga baso, saka iniabot sa akin ang isang baso, "Oh, iinom natin ang problema mo!" itinaas pa nito ang kanyang baso, at itinungki nsa aking hawak. Agad nitong nilagok ang laman niyon, "hindi ka ba umiinom?'

'Umiinom naman," sinimsim niya ang laman ng baso. Humahagod iyon sa kanyang lalamunan. Ang mainit at mapait na lasa noon ay sinabayan niya ng kain ng sizzling liempo, "woooh! ang sarap!"

"Ano ngang pangalan noong nais ipakasal sayo ng tatay mo?" tanong nito, habang nagsasalin ulit bsa baso ng alak. Iniikot ikot pa ng lalaki ang yelo na nasa loob ng baso, na parang inihahalo sa alak upang lumamig agad iyon.

"Si don Lucas Vuenaventura," sagot niya. Ginaya niya ang ginagawa ng lalaki sa alak. Sumasama ang kamig ng yelo dito at tumatagos iyon sa baso. Sumimsim siya ng kaunti,"nagulat na lang ako na kailangan kong ikasal doon, upang maging collateral sa kanilang merging. Totoo sigurong ang anak na babae, ay pamayad utang ng mga ama. Literal na pamayad sa utang ha."

"Matanda na yun ah," napatitig sa kanya ang lalaki,"parang nakakasukang tingnan na ang asawa mo ay tatay na ng tatay mo hindi ba? buti pumayag ang mommy mo?" ito naman ang lumagok ng alak na nasa sariling baso, inubos niya iyon. Sanay na sanay ito sa inuman.

"Madrasta ko na lang ang kasama namin. Namatay ang mama ko, elementary pa lang ako. Wala pa siyang isang taong patay, pinakasalan na ng papa ko, ang asawa niya, na ex niya. May dalawa silang anak na matanda pa sa akin. Tinanggap ko na lang iyon. Gusto ko kasi, maging masaya si papa. Pinakisamahan ko silang lahat ng maayos, pero ngayon, ayoko na, tama na ang pagiging mabait sa loob ng mahabang panahon," inubos na niya ang laman ng kanyang baso.

"Kanina, ikinulong nila ako, saka na lang ako palalabasin kapag ikakasal na kami. Eh, pikon yung dalawa kong step sister, inasar ako, pinatulan ko. Yun, iniwan ko silang nakatali, kinalbo ko nga eh," natatawa siya sa ikinukwento niya. Kumakapal na ang kanyang balat at ang kanyang mukha. Hindi na siya nahihiyang magkwento sa lalaki.

"Ang salbahe mo pala," natatawa ito at naiiling sa sinasabi niya.

"Ngayon na lang, makaganti man lang sa tagal ng panahon na inapi nila ako. Hindi pala magandang mabait masyado ang isang tao, inaabuso siya," wika niya. Isang lagok na lang ang ginawa niya sa kanyang alak na nasa baso. Marami rami na siyang naiinom kaya masyado na rin siyang matabil.

"Saan ba kita ihahatid?" tanong ni Ludwig sa kanya, "mahirap sumakay dito." May pag-aalala ang tinig nito. Subalit nanlaki ang mata ng lalaki, sa kanyang isinagot.

"Take me whereever you want, You can take me home.." saka humagikhik siya ng todo.