Chapter 11

ESTELLA:

"Ipinapatawag ako ni-- ni sir?" tanong niya sa HR, na pinuntahan pa siya sa kanilang department, "ba-bakit daw po?" hindi siya makapaniwala na tatawagan siya ng mula sa pinakamataas.

"Hindi ka pa daw nakakausap ni sir, Miss Amorez. Hindi nga rin niya alam na empleyado ka niya," ngumiti ito saka may iniabot sa kanya na isang folder, "ibinilin niya rin, na ibigay ko ito sayo. Wag mo daw yang bubuksan." bilin nito sa kanya.

Napatingin siya sa folder na iniabot sa kanya ng HR. Nagtataka siya kung bakit kailangang siya pa ang magdala ng bagay na iyon sa CEO, maaari naman iyong ipadala sa iba. Bigla siyang natakot. Naiisip niya na baka maningil ng utang na loob ang lalaking iyon sa kanya. Sasal ang tibok ng kanyang puso na tinatambol ang kanyang dibdib. Aandap andap siya kung lalakad o mauupo.

"Hoy, Estella, anong inaarte mo diyan? baka kailangan ni sir yan, tatanga tanga ka na naman diyan!" asik sakin ni Melody, "akin na nga yan! ako na ang magdadala. Baka mamaya, landiin