Chapter 13

LUDWIG:

Nag-aalala niyang binuhat ang babae papasok ng kanyang opisina. Maging sina Rick at Arvie ay nagulantang. Gulat na gulat sila ng makitang buhat niya sa kanyang bisig si Estella.

"Anong nangyari diyan?" nagmamadaling sumaklolo si Rick sa kanya. Inalis agad nito ang suot na sapatos ni Estella. Si Arvie naman ay inayos ang sofa upang lumapad.

Dahan dahan niyang inihiga ang babae

Namumutla ito at pawis na pawis.

"Anong ginawa mo kay Estella, Ludwig?" tanong ni Rick sa kanya, "bakit siya namumutla? wag mong sabihing ginawan mo siya--"

"Ulol!" sinuntok niya sa braso ang kaibigan. "Nasa elevator pa lang kami, namumutla na siya. Diyan na siya natumba sa pinto, buti nga at maagap ko siyang nahawakan," sagot niya sa kaibigan.

"I-checheck ko siya," lumapit si Arvie sa kanila, dala ang stethescope na kinuha mula sa bag.

"Sandali!" awat niya, "bakit ikaw ang magchecheck sa kanya?" nakakunot ang kanyang noo habang nakaawat ang braso kay Arvie. Alam niyang may crush ito kay E