Chapter 1

AYUMI HILARY

Napabalikwas agad ako mula sa pagkakahiga ng makitang hindi pamilyar ang paligid. Malamig, malinis at maaliwalas. Hindi kagaya ng lagi kong nabubungaran kapag nagigising ako sa umaga. Mahahalata na ako ay nasa isang hotel ngayon dahil na rin sa mga gamit na aking nakikita pati na ang disenyo nito.

Munting kaluskos ang umabot sa aking pandinig dahilan para mapatingin ako sa aking kaliwa. Tumambad sa aking mga mata ang malapad na likod ng isang lalaki habang nakadapa sa kama at natutulog. Hindi ko siya kilala. Wala itong suot pantaas at may nakabalot na kumot sa kanyang ibabang bahagi.

Bigla kong nahugot ang aking hininga nang magrehistro sa aking isip ang sitwasyon ko ngayon. Bukod sa suot na polo na hindi ko naman pag aari ay wala na akong ibang suot pang loob. Marahil ay polo ito ng estrangherong lalaki. Wala akong matandaan na sinuot ko ang polong ito bago makatulog ngunit naaalala ko ang lahat ng nangyari sa amin kagabi.

Biglang uminit ang aking pisngi sa kahihiyan ng mga pinagsasabi at pinaggagawa ko kagabi, lalo na nang maisip ko ang lalaking nasa tabi ko. Ang kanyang mga ungol, halik, himas, at pawis na dumikit sa aking katawan na tila nakatatak na sa aking isipan.

Hindi, bakit ako ganito? Hindi ako ganito. Tinapik tapik ko ang aking pisngi para magising ang diwa. Bakit ko hinayaan na makuha ng isang estrangherong lalaki ang aking pagkababae? Lintik na alcohol 'yan! Lasing ako kaya naman umiral at nagsaya ang aking sex hormones. Naging sanhi ito ng pagpukaw sa aking sekswal na pagnanasa.

'Argh! Ang landi ko. Bakit ako pumayag na makuha ang pagkababae ko?' Sisi ko sa aking sarili at napa sabunot pa sa inis. Tatayo na sana ako nang maramdaman ko ang hapdi sa aking gitna. Maluha luha ko namang tinitigan ang lalaki sa aking tabi. Lasing ako kagabi kaya dapat hindi niya ako sinamantala.

Ang mga memorya kagabi ay biglang bumuhos sa aking isip na parang isang malaking baha.

Naglalakad ako dahil sa pagkabagot habang naghihintay sa taxi na kinuha ng aking kaibigan. Kaarawan niya ngayon at ginusto niyang ipagselebrar ito sa isang club. Kaya naman nandito ako ngayon at lasing na lasing.

Sa aking paglalakad ay hindi ko inaasahang mabangga sa isang may matikas na pangangatawan. Napahawak agad ako sa dibdib nito upang hindi lubusang matumba. Sh*t! Lasing na talaga ako. Kaunting tulak lang sakin ay matutumba na talaga ako.

Pag angat ko ng tingin ay nagulat pa ako sapagkat ito ang lalaking nakita ko sa ikalawang palapag ng club na nakatitig sa akin. Hindi ko alam kung gaano na siya katagal nakatitig sa akin ngunit alam kong ang titig na iyon ay may kahulugan.

Nakita ko ang pag igting ng kanyang panga habang ang mga mata niya ay nakatitig sa aking katawan. Dahil 'dun ay napansin ko agad ang kanyang mala-perpekto at kaakit-akit na panga na tila ba inukit ng isang magaling na artista.

"Ahem," pilit kong ubo para agawin ang atensyon niya kasabay ng pag bitaw ko sa kanyang dibdib. Umatras ako ng ilang hakbang upang bigyan ang sarili ng distansya. Ngunit ang totoo ay hindi ko lang talaga kaya na lumapit sa kanya sapagkat naiilang ako sa kanyang titig.

Ngayon na malapitan na kami ay saka ko lamang natitigan ng mabuti ang lalaki. Siya ay napaka gwapo, moreno, malinis ang pagkakagupit sa buhok, matangkad at walang balbas na makikita sa kanyang mukha. Amoy mayaman. Ngunit sa hula ko ay nasa late 20's or early 30's na siya.

"You seem drunk," saad niya habang ang kanyang may pagnanasang mga mata ay humagod sa buong katawan ko.

Napatikhim ako matapos marinig ang boses ng estrangherong lalaki. Buong buo ito at lalaking lalaki. Malalim din ito na parang nang aakit.

"Uh, hindi ah. Madilim lang kaya hindi kita nakita. Pasensya na," tanggi ko agad kahit alam kong hindi kapani paniwala.

"You should go home. It's getting late. I will give you a ride," aniya sabay hila sa akin papunta sa katabing kotse. Ito ay kulay itim na porsche.

Tama nga ang hula ko na siya ay mayaman. Pagkabukas niya ng pinto ay sinenyasan niya ako na pumasok na hindi ko sinunod. Ngunit dahil sa epekto ng alak ay umandar ang pagkapilyo ko.

"Ride?" tanong ko habang nakangiti ng malawak. "Saan ba ako sasakay, sa kotse mo or sayo?" malanding bulong ko at humawak pa sa kanyang dibdib.

"Wow. Tigas ng dibdib ah halatang nag gy-gym," walang hiya kong sabi at pinisil pisil ang kanyang dibdib.

Biglang nilapit ng lalaki ang kanyang mukha sa tabi ng aking tainga at bumulong. "Your choice, which of us do you want, hmm?"

Nagdulot ng init ang kanyang hininga sa aking buong katawan, dahilan upang tumaas ang aking sexual desire at walang pag aalinlangang sumagot, "What if I want you?"

"My pleasure, baby," aniya habang nakatitig sa may bandang dibdib ko.

Bigla naman akong napatawa ng malakas na ikinataka niya. Kita ko ang pagkunot ng kanyang noo.

"Sorry, mister. Pero hindi ako kagaya ng iba. Hinding hindi ako sasakay sa estranghero," madiin kong sabi sa mukha nya.

"Really? Then why are your hands on my chest? If you want, I can take off my polo," nakangisi nitong saad at mas lalong lumapit sa aking mukha.

Agad ko namang binaba ang aking kamay at humakbang paatras ngunit mabilis ang mga kamay niya para ikulong ako. Ang kanyang kanang kamay ay nakahawak sa nakabukas na pinto ng kotse at ang kaliwang kamay naman ay nasa tabi ng aking balikat. Talagang nakulong niya na ako, wala na akong takas.

"Anong ginagawa mo?" tanong ko agad dahil para akong di makahinga sa lapit ng aming mga katawan. Ang kanyang mga titig ay nakakalunod. Mas lalo ako nalasing nang malanghap ko ang kanyang amoy.

"I know you want me. I can feel it. I can see it on how you look at me."

"Hindi. Nagsisinungaling lang ako kanina. Wala akong planong sumama sayo. Isa kang estranghero at hindi dapat ako sumama sayo. Bitaw na. Kaya kong umuwi mag isa," nahahapo kong sagot sa kanya sapagkat sobrang lapit niya sa akin. Hindi pa nakakatulong ang init na aking nararamdaman.

Napansin ko ang pag higpit ng hawak nya sa pinto ng kanyang kotse. Mula sa aking mga mata ay bumaba ang kanyang tingin sa aking labi. Mga limang segundo ang lumipas at naramdaman ko ang paglapat ng aming mga labi. Awtomatikong dumapo ang aking kamay sa kanyang dibdib upang itulak siya ngunit hindi ko natuloy dahil sa sumunod na kanyang ginawa. Ginalaw niya ang kanyang mga labi dahilan para matigilan ako lalo. Nag iinit ang aking buong katawan at parang isang kalabit na lamang ay bibigay na ako. Gusto ko siyang itulak ngunit hindi ko magawa.

Nang maghihiwalay na sana siya sa akin ay hindi na ako nakapigil. Wala pa sa isang segundo ang pag hawak ko sa collar ng kanyang polo at pag higit sa kanya palapit sa akin. Tumugon ako sa kanyang halik. Kahit hindi ko alam kung paano humalik or tama ba ang ginagawa ko ay nagpatuloy pa rin ako.

Naramdaman ko ang pagngisi niya sa aking labi.

"See?" mahinang bulong niya nang hindi inihihiwalay ang aming mga labi.

Dahil sa kasabikan ay hindi ko namalayan na nakarating na pala kami sa isang hotel.

"Lay down there on the bed, baby."

Parang tuta naman akong sumunod sa utos nya.

"You are really gorgeous and hot, baby. Did you know that? Hmm? I was watching you at the club the whole time. And I promised myself to take you tonight. Now, please be a good girl and I will do the rest," aniya sa gitna ng kanyang mga halik sa aking leeg.

Hindi na ako makapag isip ng diretso. Hindi ko na rin sinubukan pang pumalag, talagang pinaubaya ko na sa kanya ang aking katawan.

Napabalik ako sa reyalidad nang tumunog ang aking cellphone. Doon ko lamang naalala ang aking mga magulang. Dali dali kong hinanap ang aking dress na suot sa pagpunta ng club at saka nagpalit. Pagkatapos ay umalis na ako nang hindi nagpapaalam sa lalaki.

Sino ba naman siya para magpaalam pa ako. Isa siyang lalaking nagsamantala sa lasing na babae. Lasing ako at nasa tamang kamalayan siya ngunit bakit hindi siya nagpigil? Naiinis ako at sinisisi siya. Nagsisisi rin ako na naganap pa ang gabing iyon.

Labis ang aking kaba habang pauwi sa aming bahay. Sigurado akong nag aalala na ang aking mga magulang. Nang buksan ko ang aking cellphone ay tumambad sa akin ang 82 na mensahe at 24 na missed calls mula sa aking mga magulang at mga kaibigan.

Biglang na lamang akong nanlumo nang mabasa ang kahuli-huling mensahe galing kay papa.

"Pag sumikat na ang araw at wala ka pa dito sa bahay ay mag rereport na kami ng mama mo sa pulis."