Chapter 17

Hindi nakatakas sa pandinig ko ang sinasabi ng mga taong nadadaanan namin palabas ng venue. Isinubsob ko na lang ang mukha ko sa leeg ni Marco nang napansing may kumukuha ng litrato sa amin.

"Ibaba muna ako. Nasa labas na tayo," reklamo ko nang nahagip ng mga mata ko ang nanlalakihang mga mata ni Serenity nang nakita niya kami.

"Mamaya na. Nandiyan pa siya," bulong ni Marco.

"Sino? Ang demonyita mong kaibigan at ex-fling?" tanong ko. Hindi ko maitago ang iritasyon sa boses ko matapos sirain ng babaeng 'yon ang dress ko.

"She's not my ex-fling. Magkaibigan lang kami," sabi niya.

Sinulyapan ko si Serenity, idiniin ko ang pagkapit sa batok ni Marco. Palihim akong napangisi nang padabog siyang umalis papalayo. Bumaling ako kay Marco nang bigla siyang huminto sa paglalakad.

"Where's your room?" tanong niya.

Nasapo ko ang noo ko nang naalala ang susi ng kwarto ko. Dali-dali akong bumaba at tumakbo patungo sa tapat ng kung saan nahulog ang mga gamit ko kanina. Hindi ako makakapasok sa