Chapter 139: Trust

"Bakit ka ba naglasing?"

Ang nakahalukipkip at kunot-noong mukha ni Keirah ang bumungad kay Davidson. Sapo niya ang sentido habang bumabangon sa kama.

Wala siyang maalala kung bakit siya nakauwi. Ang alam lang niya ay sobrang nalasing siya kagabi.

Nagulat man sa presensya ni Keirah ay hindi siya nagpahalata o nagpakita ng excitement sa dalaga. Bagkus ay nagtampo-tampuhan pa siya para suyuin nito.

"Ano sa tingin mo kung bakit ako naglasing?"

Nakita niyang umawang ang bibig nito. Halatang nabigla sa inasta niya. Paraan niya talaga ito para suyuin siya ng dalaga.

Ngunit nagkamali siya ro'n, umikot ang mga mata nito at lalo pang humalukipkip.

"Bakit? Galit ka?" aniya pa.

"I just want to know kung bakit ka naglasing?" mas matigas pa ang boses ng dalaga kaysa sa kanya.

"Ah..Eh kasi ano..." mapupurnada pa yata ang pagtatampo-tampuhan niya ah.

"Ano?" nagpantay na ang kilay ni Keirah.

"Eh kasi...Bakit mo ba tinatanong? May pakialam ka pa pala," pilit niyang pinatigas ang