Chapter 145: Dilim

Maya't maya na ang sulyap ni Davidson sa relong-pambisig. Mag-iisang oras na siyang naghihintay sa mamahaling restaurant kung saan sila magkikita ni Keirah.

Pansin niya ring medyo nangangawit na sa kakatayo ang waiter na magse-serve sa kanila.

"Ah, you can sit down. Mukhang matatagalan pa ang pagdating ng girlfriend ko," aniya sa waiter. Tila napipilitan na lang kasi itong tumayo.

Nakita niya itong huminga nang maluwag. "Salamat po, Sir."

Tinanguan niya na lang ito.

'Hays, nasaan na ba kasi siya?'

Inabot ni Davidson ang phone para tingnan kung may message man lang si Keirah na mahuhuli ito. Ngunit wala siyang nakita. Blanko ang notification niya.

"Sir, malapit na po ang closing time ng resto. Willing naman po kaming mag-extend kung gusto niyo po," ang manager na mismo ang lumapit at nakipag-usap sa kanya.

"Gano'n ba? Sige, just another ten minutes, please." Babayaran niya na lang ang mga oras na makakaabala siya.

"Okay Sir."

Napapabuntong-hininga na siya