Kabanata 32

KABANATA 32

ㅤㅤㅤㅤIMBES na sa manor nilang mga Elizalde, sa condo nya dinala si Laurence. Ito iyong regalo sa kanya ng mga magulang nila ni Justin bago siya bumukod sa mga ito at magpahanggang ngayon, itinuturing nyang safe place. Kung dito nya dadalhin ang bata, alam nyang mas ligtas at mapuprotektahan ito.

Bumuntong hininga si Jared pagkalapag nya sa kama kay Laurence. Mahimbing nang natutulog ang bata pero hanggang ngayon ay mahigpit pa rin ang hawak nito sa polo shirt nyang lukot na.

Hindi nya tuloy naiwasan ang matawa bago nya marahan na inialis ang kamay nito sa polong suot nya.

“Ano nang plano mo, boss?” tanong ni Amir.

Hindi nya napansing nakasunod nga pala sa kanila ang sekretarya.

Umupo muna siya sa gilid ng kama pero hindi nya iniaalis ang mga mata sa natutulog na si Laurence. Iniisip nya rin kung anong gagawin pero kahit paano ay naibsan iyong bigat na nararamdaman nya dahil nakita na nya ang bata.

Si Lorraine na lang talaga.

“Kung wala kang maisip, pupwede ba ‘kong mag-sugg