Kabanata 38

KABANATA 38

ㅤㅤㅤㅤNANININGKIT ang mga matang pinagmasdan sandali ni Lorraine ang ilaw na nakatapat sa kanya. Noong hindi nya makayanan ay ipinilig nya ang ulo dahil unti-unti na ring nandidilim ang paningin nya’t hindi na nya makita ang mga taong nakapaligid sa kanya.

‘Kung sa bagay, kahit na makita ko sila ngayon, wala rin namang saysay dahil baka ‘di rin ako makaligtas dito,’ aniya sa isipan.

Noong makarating sila sa ospital, walang nai-run na tests para alamin kung compatible ba siyang donor. Basta nang sabihin ni Adrian na huwag nang gawin iyon at dumiretso na lamang sa procedure, sumunod naman kaagad ang doktor na nakuha nito bagamat labag iyon sa polisiya dahil lang naabutan ng malaking pera.

‘...And what do I expect from these people?’ Lihim siyang bumuntong hininga bago nya sinubukang hanapin ang doktor na naatasang isagawa ang surgery.

Hindi nagtagal ay pumasok na rin sa emergency room si Rika na noo’y nasa hospital bed na rin at mukhang prepared na para sa nalalapit na sur