Kabanata 44

KABANATA 44

ㅤㅤㅤㅤ“HINDI mo pakakasalan ang Jared Elizalde na iyon, naririnig mo ba ‘ko?” nakapameywang na pagbabala ni Lorenzo sa kanya. Naniningkit ang mga mata nito at tila ba sinusuri pa ang itsura nya. “No’ng huling beses mong pinagtanggol iyong isang Elizalde sa ‘min ni mama no’ng nandito pa siya dahil ang sabi mo, kakampihan ka nya, sa’n iyon napunta? ‘Di ba sa wala?”

Bumuntong hininga si Lorraine habang inaaalala ang mga salitang iniwanan sa kanya ni Lorenzo. Hindi nya rin naiwasang pasadahan ng tingin si Jared na nakaupo sa tabi nya’t kalong-kalong si Laurence na nakatanaw sa labas ng sasakyan at tila ba namamangha na naman.

Naiintindihan nya ang punto ni Lorenzo.

Iyan din naman ang naisip ni Lorraine kaya humingi siya ng oras kay Jared na mag-isip isip. Ayaw nyang matulad sa nakaraan ang resulta ng pagpili nya rito.

Oo, tatay nga ni Laurence si Jared pero ano naman?

Paano kung isang araw ay ma-brainwash din nina Rika iton