CHAPTER 36

"Siguraduhin niyong hindi malalaman ni Grandma ang mga pangyayaring naganap ngayon," paalala ni Franco sa mga tao sa paligid niya.

Nandoon ang mga bodyguard niya na nakasunod sa kanya pati na rin ang kanyang secretary.

Dahil sa ginawang pag-amin ni Georgina sa nararamdaman nito sa kanya sa publiko ay dapat lang na di ito malaman ng Grandma niya dahil sa kasal na nga siya sa pamamagitan rin ng Grandma niya at ayaw niyang maging source ito ng komplikasyon.

Marami ang nakarinig, at halos lahat na nandun sa kumpanya ng mga oras na iyon ay saksi sa nakakahiyang ginawa ni Georgina. Hindi nakaligtas sa kay Franco ang mga matang nakatingin sa kanya, nagtatanong, nagulat at nagtataka.

Pero gaya ng nakaugalian niyang personalidad, wala siyang pakialam. Walang anong expression sa kanyang mukha maliban sa, malamig na mga mata, seryoso habang pantay na pantay ang mga labi nito na tila hindi marunong ngumiti. Pero sa kabila ng ganito niyang expression sa mga empleyado at sa mga taong nasa paligid