Chapter 32

SCARLETT point of view

Nakasandal ako sa kotse habang sumisimsim ng kape na binili ko. Nakaharap ako mismo sa cafe na kinaroroonan ni Claire at Lucien. Para mabantayan sila maige.

Gusto ko nga rin sana kumain ng cake sa loob kaso iniisip ko na baka biglang may kalaban na sumulpot. Isa pa ayoko makausap si Lucien, naiinis pa rin ako sa naging pag uusap namin kanina habang papunta dito sa Cafe.

Buti nga hindi na ulit nagtanong ng nagtanong dahil kung nagkulit pa siya makakatikim na siya sa akin ng sapak.

Naubos ko na ang kape na iniinom, itatapon ko na sana sa basurahan ang cup ng biglang may tumawag sa akin.

“Hermosa, comer here!” Napalingon ako sa entrance ng cafe, nangunot ang noo ko ng makitang sinesenyasan ako ni Lucien na lumapit.

Nagtataka naman akong humakbang papalapit sa kanya, bakit kaya? May problema ba?

“Bakit?” Tipid na tanong ko. Inis pa rin ako sa kanya.

“Tara sa loob, I ordered pasta and cake for you. I know you're hungry too.”

Tinaasan k