250.

“Ma’am, kinakabahan ako… baka mamaya may makakita sa atin at pagkamalan tayong magnanakaw at ipahuli tayo.” Takot na sabi ni Angge habang nakasunod kay Serena. Hindi maintindihan ng babae kung bakit kailangan na patago sila silang pumasok sa loob ng isang malaking mansion, maging si Rosan ay napapalunok sa kaba na baka may makahuli sa kanila.

Huminto sila at sumandal sa pader. Todo hinga ng malalim ang dalawang kasambahay. Ang pinaalam pa naman nila sa kanilang amo ay sasamahan lang nila itong mamili.

“Shhh… wag kayong mag-alala dahil hindi nila ipapakulong kahit mahuli nila tayo. Pumunta ako dito dahil may gusto lang akong makita.” Bumuntong-hininga si Serena. Alam niya na nakiusap sa kanya ang stepmother niya na wag munang sabihin sa daddy niya ang totoo. Bukod sa gusto na niya itong makita at makausap. Kinakabahan siya at hindi mapalagay.

“Ma’am, paano niyo naman na nasabi na hindi tayo ipapakulong—“ napanganga sina Angge at Rosan ng makita ang malaking family portrait sa ding