249.

“Restroom lang ako.” Paalam ni Stacey. Pagdating sa restroom ay sinuri niya ang mukha sa salamin. Kulay papel ito sa pagkaputla sa takot.

Duguan at patay?

Nakakakilabot na banta… hanggang ngayon ay nagtataasan pa rin ang balahibo niya.

“Oh my god!” Napatili ang babae sa gulat ng makita sa repleksyon ng salamin si Serena. Nanlilisik ang mata na bumaling siya rito. “Siniraan mo ba kami kay Mrs. Helger kaya ganito ang trato niya sa amin?”

“Siniraan? Come on, Stacey. Wag mo akong igaya sayo. Kung may sasabihin man ako sa kanila, hindi kasinungalingan ‘yon kundi katotohanan.” Nang makita ang namumutlang mukha ng kaharap ay napangiti si Serena. “Bakit parang takot na takot ka… takot ka bang mamatay katulad ng gusto mong mangyari sa akin?”

“Huh! May ebidensya ka na sinubukan kitang patayin?” Nang makita ni Stacey na natigilan si Serena ay lumaki ang ngisi nito. “Wala diba? Hangga’t wala kang ebidensya, pwede kong palabasin na pinagbibintangan mo lang ako. Kaya nga hindi mo pa rin