257.

“Ma’am, ilang beses ko bang sasabihin sa inyo na hindi pwede ang gusto ninyong mangyari? Hindi ito palengke na maaaring ibalik ang mga luxury item na gusto niyo.”

“Bakit hindi pwedeng ibalik? Tatlong araw palang simula ng i-avail namin sa store ninyo ang mga luxury item na ito! Hindi biro ang halaga nito kaya hindi kami papayag na hindi niyo ito tanggapin!” Galit na giit ni Stella.

“M-mommy,” hinawakan ni Stacey ang ina upang awatin. Alam ni Stacey na hindi pwede ang gusto ng ina subalit desperada na ito, umaasa na baka maibalik ang mga luxury item na kanilang inutang.

“Bitiwan mo ako, Stacey!” Asik ni Stella sa anak.

“Pero, mommy—“

“Makinig ka,” madiin na hinawakan ni Stella ang balikat ni Stacey, “kailangan nating ibalik ang mga ito para mabawasan ang mga utang natin. Hindi natin kayang bayaran ito dahil wala na tayong natitirang pera pambayad sa mga ito. Hindi tayo pwedeng makulong anak! Hindi pwede dahil aalamin pa natin kung bakit nangyari sa atin ito.” Sumingasing ang