256.

Hindi mapigilan ni Serena ang mapangiti habang magkahawak kamay silang dalawa ni Axel na naglalakad palabas ng gusali. Hindi naman ito ang unang beses na lumabas ang dalawa ng building ng magkasama at maghawak ng kamay ngunit hindi pa rin maiwasan ng mga empleyado na mamangha sa sa dalawa, lalo na sa binatang amo. Malaki na ang pinagbago nito simula ng magkaro’n ng nobya.

“Grabe, sikat ka ba, Axel?” kumunot ang noo ni Axel sa tanong ni Serena. “Eh, kasi naman, halos lahat ng kababaihan ay nakatingin sayo. Daig mo pa ang artista.” aniya sabay mahinang tawa.

Nahigit ng dalaga ang paghinga ng bigla siyang hilahin ng binata. “Mga tingin lang ng mga babae ang napapansin mo. Pero ang tingin ng mga kalalakihan sayo hindi mo napupuna?” umasim ang mukha ni Axel. “Tsk. kulang nalang ay agawin ka nila sa akin.”

Sinupil ni Serena ang ngiti sa labi. Hindi niya maiwasan na makadama ng kilig kapag ganitong nagseselos si Axel. Nang mapansin naman ng binata ang nagpipigil na ngiti ng dalaga ay l