264.

“Ito ang bagay kay Serena! Mas maganda at mas sexy ang dating!”

“No, Apol. this is more elegant and sofisticated more than that.” giit naman ni Alena.

Parehong napailing nalang sina Charlotte at Serena sa pagtatalo ng dalawa. Ang gusto ni Apol ay seksing klase ng wedding dress. Samantalang ang gusto naman ni Alena ay conservative style.

“Tumigil na nga kayong dalawa. Kung kumilos kayo ay para parin kayong mga bata.” napapapailing na suway ni Charlotte sa dalawa. “Bakit hindi niyo hayaan na si Serena ang pumili ng wedding dress na gusto niya. Siya itong ikakasal kaya siya ang papiliin niyo kung ano ang gusto niyang isuot.”

Natigilan ang magkapatid ay mabilis na kumapit sa magkabilang bisig ng dalaga. “Pasensya ka na sa amin, Serena, ha. Excited lang naman kami kasi ikaw ang kauna-unahang babae na papasok sa pamilya namin.” nahihiyang paliwanag ni Alena.

“Siya nga naman, iha. Pasensyahan mo na kaming matatanda dahil masaya lang talaga kami. Bweno, anong disenyo ang gusto mo? Sabihi