266.

Hindi mabilang ni Apol kung ilang beses siyang humingi ng pasensya sa anak na si Axel. Niyaya ng ginang na magshopping si Serena para kahit papa’no ay makatulong siya na mabawasan ang dinadala nito. Hindi naman akalain ni Apol na tatakas ang dalaga. Nakita nila sa CCTV na sinadya nitong umalis at tumakas. Alam ng ginang na napakasakit nito kay Axel subalit hindi niya magawang magalit sa dalaga.

“Fvck! Hanapin niyo si Serena ngayon din at ibalik sa akin!” utos ni Axel sa anim na nagsisilbing lider sa kanyang mga tauhan. Narito sila ngayon sa underground nila sa Villa. Halos mamuti ang kamao ng binata sa diin ng pagkakakuyom nito. Hindi matanggap ni Axel na pinili ni Serena n takasan siya kaysa ang kausapin siya. Naghahalo ang galit, sakit at hinanakit niya sa dalaga.

“Opo, boss!” sagot ng kanilang mga tauhan.

Samantalang nanatili naman kalmado si Xerxes habang nakadekwatro ng upo. Hindi makitaan ng pag-aalala ang ama ni Axel. Kung anuman ang desisyon ng kanyang anak ay wala siyang