254.

Walang patid sa pagluha si Serena habang binabasa ang mga kundisyon na hinabilin ng kanyang ama. “A-akala ko talaga h-hindi na sumagi sa isip ni daddy na buhay pa ako. A-akala ko tuluyan na siyang naniwala na patay na ako… akala ko kinalimutan na niya ako, p-pero hindi pala.”

Nasa harapan ni Serena ngayon ang mga papeles kung sa’n nakalagay ang kundisyon na binigay nito sa mag inang Stacey at Stella. Nasa kanya pa rin mapupunta ang kumpanya kung sakaling buhay siya. Kaya madali niyang naibenta ang kumpanya kay Axel at nilipat lahat ng assets sa private account niya na ginawa ni Axel para sa kanya. Walang naiwan maski piso na maaring mapunta sa mag ina. Lahat ng iyon ay pinaliwanag ni Axel bago pa sila makipagkita sa dalawa. Sa tulong ng binata ay madali niyang naibenta ang kumpanya at naisakatuparan ang lahat ng gano’n kabilis lamang. Nakapagtataka lang dahil mukhang hindi nabahala ang mag ina kundi naging kampante pa na mapupunta sa kanila ang lahat.

Nang makita ni Serena ang pag