243.

“Walanghiyang lalaki ‘yon! Napakayabang!” Nanggagalaiting wika ni Joem sabay hampas ng kamay sa manibela. Kanina ng lumabas sila ay sinabi niya rito na babawiin niya si Serena. Totoo ang sinabi niya— babawiin niya ang dalaga. Makikipaghiwalay siya kay Stacey pagkatapos nitong maipanganak ang anak nila.

Hinaplos niya ang labi na pumutok sa lakas ng suntok ni Axel Helger. Hindi siya nakaiwas, o nakaganti sa bilis ng kilos nito.

“S-Serena!” Parang bata na umiiyak na sinubsob niya ang mukha sa palad. Napakasaya niya na malaman na buhay pa ito. Pero labis din siyang nasasaktan ngayon. Parang dinudurog ang puso niya sa sakit… ang babaeng mahal na mahal niya ay may iba na.

Kailangan itong malaman ng ama ni Serena. Kinuha niya ang cellphone at tumawag sa mansion ng mga Torres.

“Sir, tulog si Sir Baxia—“

“Pero mahalaga ng sasabihin ko!” Giit ni Joem.

“P-Pasensya na talaga, Sir Joem. Pero ang bilin kasi ni Ma’am Stella ay hindi pwedeng gambalain sa pagpapahinga si Sir.”

Kumunot ang