241.

Halos mamuti ang kamao ni Axel sa diin ng pagkakuyom nito. Kanina pa niya gustong hilahin si Serena subalit nagpipigil lamang siya. Hindi siya pwedeng magpadala sa selos… nagtiwala ang dalaga sa kanya kaya magtitiwala din siya sa sinabi nito na wala na itong nararamdaman sa ex-fiance nito.

“Joem!” Hinatak ni Stacey ang asawa at pekeng bumaling ng ngiti kay Serena. Galit na galit siya! Pinaghirapan niya na makuha ang asawa niya, ginawa niya ang lahat para mahalin siya nito. Subalit sa isang iglap lamang ay mababalewala ang pinaghirapan niya? Pati ang kumpanya na pinaghirapan nilang makuha ay mapupunta lamang sa wala?! Hindi siya makakapayag!

Yumakap si Stacey sa bewang ng kanyang asawa para ipakita kay Serena na sa kanya na ang matagal na nitong minamahal.

Bumaling si Stacey sa mga board members na naroon. “Gusto ko sana na iwan ninyo muna kami ng kapatid ko… sa susunod na natin ituloy ang meeting na ito.” Umiyak siya. “S-sana maintindihan ninyo na… na bilang kapatid na matagal n