234.

Nanginginig ang katawan ni Serena habang yakap niya ang sarili. Hindi siya makapaniwala na nagawa niyang hilahin si Stacey sa buhok at itulak ito. Sa loob ng 23 years ng buhay niya ay ngayon lang siya nakapanakit ng tao.

Nang makita ni Axel si Serena ay agad niya itong nilapitan at binuhat. Mukha itong shock sa nangyari.

“A-axel, n-nagawa ko… n-natulak ko siya!” Umiiyak na sumubsob ito sa dibdib niya. “H-hindi ko alam kung tama ba ito, Axel… p-pero masaya ako na nakaganti ako sa kanya…” nakadama siya ng satisfaction ng makita niya ang takot sa mukha ng stepsister niya. Ganun na ganun ang pakiramdam niya noong binaril siya nito ng walang awa.

Takot na takot na siya.

Sumenyas si Axel na ihanda ang yacht dahil aalis na sila ng dalaga at babalik na sa isla. Tapos na ang misyon nila sa lugar na ‘to. Ang pamilya niya na ang bahala sa mga naiwan niya rito. Nang makarating sa yacht ay karga pa rin niya si Serena habang nakabalot ito ng blanket. Hindi niya ito magawang ilapag… mas gusto