236.

“Stacey… Stacey…”

“Ahhh! Layuan mo ako! Hindi ako natatakot sayo! Patay ka na!” Histerikal na sigaw ni Stacey ng magising siya. Paulit-ulit niyang naririnig ang malamig at nakakatakot na boses ni Serena na tinatawag ang pangalan niya. “L-lumayo ka hindi ako natatakot sayo—“

Malakas na sinampal ni Stella ang anak para matauhan ito. Nang matauhan si Stacey ay umiiyak na yumakap ito sa ina.

“M-mommy! N-nakita ko si Serena! Nakita ko siya! Ahhh! Minumulto niya ako, mommy! B-balak niya akong patayin!” Takot na nilibot ni Stacey ng tingin ang paligi. Takot na takot siya na baka biglang lumitaw si Serena at saktan siya.

“Calm down, anak!” Galit na sita ni Stella sa kanyang anak habang inaalog ito sa balikat. “Naririnig sa labas ang boses mo! Gusto mo bang magtaka si Joem sa pagwawala mo? Dahil sa kasisigaw mo ay bibigyan mo sila ng idea na meron kang ginawa na hindi maganda kay Serena!”

“P-Pero, mommy,” nanginginig na kumapit siya sa ina. “N-nakita ko siya… m-minumulto niya ako, mo