239.

Inayos ng mag-inang Stella at Stacey ang kanilang suot bago bumaba ng sasakyan. Ngayong araw ay gaganapin ang meeting dito sa Torres Building, makikilala na nila ang kanilang Potential Investor na handang makipag-cooperate sa Torres Packaging Innovation Company.

“Mommy, ano sa palagay mo, papayag kaya sila sa business proposal natin?” Hindi sinabi ng kaniyang stepdad kung sino ang potential investor nila. Pero ayon rito ay mula ito sa kilala at makapangyarihan na pamilya.

Ngumisi si Stella sa anak. “Stacey, it doesn’t matter kung pumayag man siya o hindi. Baka nakakalimutan mo na may alas tayo. Walang sinuman ang nakakatanggi sa alindog mo kaya kahit sino man siya ay mahuhulog pa rin siya sa atin.”

Kahit na may asawa na si Stacey ay handa siyang gamitin ang katawan. Kung ito lang ang tanging paraan para magtagumpay sila sa plano ng mommy niya. Bata palang siya ay pangarap na niya ang yumaman at magkaroon ng limpak-limpak na salapi. At mangyayari lamang iyon kung makukuha nila a