Chapter 26

Hindi ko alam kung tamang desisyon ba na sabihin ko kay Gretta ang totoo. Pero kasi nahihirapan ako sa sitwasyon ko ngayon. Gusto ko lang ng may makausap tungkol dito na alam kong mapagkakatiwalaan ko.

I suddenly missed Neri and Joyce. They were always there whenever I needed a friend to talk to. Pero ngayon kasi, malayo sila sa akin at alam kong busy rin sila.

“W-What? May relasyon kayo ni Sir Markus?” gulat na tanong ni Gretta. Tumango ako. “Pero...uncle mo siya, ‘di ba?”

Bumuntonghininga ako bago umiling. “Not really. He's not a real Dela Vega. Adopted son siya ng grandparents ko.”

Natulala siya saglit habang pinoproseso ang sinabi ko. Mayamaya lang ay dahandahan siyang tumango. Mukhang naintindihan niya na ang sitwasyon ko.

“Gano’n pala. Pero sa paningin ng lahat, tito mo pa din siya. Mali pa din ang relasyon n'yo. Hindi naman sa nanghihimasok ako, sinasabi ko lang ang totoo,” paliwanag niya.

Pilit akong ngumiti. “Alam ko. Mali na talaga ‘to sa simula pa lang pero hindi ko mapigil