Chapter 32

At dahil wala na akong ibang klase ngayong araw ay nagpasundo na ako sa driver namin. Hinatid niya ako sa mansyon at naabutan ko na naman sa sala sila lolo at lola.

“Savrinna, nandyan ka na pala. How’s your day?” lola asked.

Lumapit ako sa kanila at humalik sa kanilang pisngi. Pagkatapos ay naupo ako sa tabi ni lola sa sofa.

“Kumusta ang surprise mo kay Markus? Nagustuhan niya ba ang gift mo?” tanong pa ulit ni lola.

Bumuntonghininga ako bago umiling. “Hindi ko po siya na-surprise.”

“What? Why? Wala ba siya sa office? O baka naman nagpaka-busy na naman siya sa work na lagi niyang ginagawa kapag birthday niya.”

Umiling ako ulit. “Wala po sa sinabi n’yo. Inaway po kasi ako ng secretary niya kaya nagalit si Uncle Markus. Naniwala po siya sa secretary niya kaya umalis na lang po ako.”

Naiinis na naman ako habang naaalala ang itsura nilang dalawa kanina. Paniwalang-paniwala siya sa babaeng ‘yon na akala mo naman kung sinong anghel. Dapat talaga mas nginudngod ko pa siya sa lababo kanina e.